Jan L. Coetzee skryf: Tempus fugit! Ja, nog 'n jaar het verbygeflits onderweg na 2013! Ek wens julle almal daar in die sonnige suide 'n feestelike Kersseisoen – met nabetragting, besinning en oordenking - veral vir vrede, versoening, en verdraagsaamheid binne die Verlossingsboodskap! Met nuwe moed en oortuiging vir die uitdagings en toekomsverwagtings van 2013.Terwyl julle natuurlik feestelik die somer geniet (strand, vleisbraai, ens.) is dit hier by ons in die noorde koud, nat, sneeu en ysige weersomstandighede – en in sekere dele van die land sal dit gewis 'n wit Kersfees wees.
Groetnis vanuit Gent (België) tot ons weer gesels in die nuwe jaar!
(Jan het ook ‘n bydrae oor sy Perskordae en huidige doen en late belowe, en K’rant sien uit daarna. – Red.)
