Hardekwas Hollander skep sy eie loopbaan

SIPKE DE VRIES skryf: “EK is nog hier”. Eintlik sê ek gewoonlik nie veel meer oor myself nie omdat ek my lewe lank oor ander mense of gebeurtenisse skryf, of dit aanvanlik met die kamera vasgelê het. 

Die versoek van my vriend en kollega Piet Ebersöhn om iets vir K'rant oor myself en my werk by Perskor – eers Voortrekkerpers – te skryf, kon ek egter nie langs my neerlê nie. 

My vriend, André

SIPKE DE VRIES skryf: André Scheepers wat so pas in die ouderdom van 74 jaar aan komplikasies van 'n galblaasoperasie oorlede is, was my vriend vir die afgelope drie of vier dekades.

Hy was die soort mens wat jy gebel het as jy 'n bietjie teneergedruk was. Na so 'n gesprekkie het jy altyd baie beter gevoel. Hy was ook 'n besonder gesellige tafelgenoot by die talle sakemiddagetes wat ons ampshalwe bygewoon het. 

Koos Botha oorlede

SIPKE DE VRIES skryf: In die vroeë oggendure van Vrydag 4 September is oudTransvaler en SAUK joernalis Koos Botha in die ouderdom van 85 jaar by sy geliefde huis in Ferndale oorlede. 

Koos was baie jare verbonde aan die finansiële redaksie van Die Transvaler voor sy aftrede. In die vroeë sestiger jare was hy 'n subredakteur by die Afrikaanse nuusdiens van die SAUK. Toendertyd by die hoofkantoor in Kommisarisstraat. 

Sipke onthou die onluste

SIPKE DE VRIES skryf: My vriend André de Bruyn en ek het die Soweto-onluste, en dié in Alexandra, van die begin tot die einde vir Die Vaderland gedek. Dit het só gebeur.

In die vroeë oggend van 16 Junie, ek dink dit was 'n Woensdag, was ek op kantoor in Aucklandpark toe daar berig kom daar is moeilikheid in Orlando-Wes. Ek is toe soontoe gestuur met die getroue bestuurder Gabriel Maphalala in sy wit Peugeot.

Ons ry verby die Baragwanath Hospitaal na die Orlando-polisiestasie waar 'n groot deurmekaarspul was en ons dadellik weggejaag is. Nóg Gabriel, nóg ek het eintlik besef wat aan die gang was. Toe ons verby die Orlando-Wes-hoërskool ry, word ons toegesak deur 'n groot groep skoliere wat aan Gabriel se Peugeot begin ruk het.

SA se beste fotograaf in sy tyd

SIPKE DE VRIES skryf: Ek is vreeslik jammer om te hoor van Gert se afsterwe. Ek het 'n rukkie gelede nog met hom en sy vrou Marie gesels. Dit het toe nog goed gegaan met hulle.

Gert Hattingh was in 1963 my eerste "baas" as hooffotograaf van Die Transvaler. Ek het pas uit Nederland hier aangekom en dit was my eerste werk in Suid-Afrika. Gert het my die fynere kunsies van die persfotograafwerk geleer.

Totsiens Sapa

PHILIP DEETLEFS skryf: Die Sapa-berig hieronder is die laaste een ooit. K'rant se redaksie het dit goedgedink om die berig verbatim te plaas nadat Sapa sy ligte Dinsdag om middernag vir oulaas afgeskakel het. Saam met Gerhard Burger (e-pos onder) sê ons namens al die oud-Perskormense dankie aan Sapa vir die getroue diens wat oor al die jare so mildelik aan intekenare gebied is.

In hierdie Sapa-berig word twee van ons Perskor-kollegas genoem. Die eerste is Hannes de Wet. Hannes was in sy dae hoofverslaggewer van Die Vaderland en later parlementêre verslaggewer en toe Perskorburo se verteenwoordiger in Washington.

Johnny onslaan Hendrik en Sipke tegelyk

SIPKE DE VRIES skryf: Oorlede Andries Botha se verwysing na Danie Scholtz, die redakteur van Vleis/Meat, laat my terugdink aan die dag toe Hendrik Vorster en ek summier deur Johnny Johnson ontslaan is.

Hendrik was The Citizen se nuusredakteur en ek was assistent- nuusredakteur.

Ander media het beter betaal

SIPKE DE VRIES skryf: Ja, ek lees ook daardie stukkie van oorlede Frans.

Ek moet sê dat die salaris daar aangedui bra power was en na my mening nie kon vergelyk word met Johannesburgse mediasalarisse oor die algemeen nie.

Ek was daardie tyd 'n hoofsub by die SAUK en het meer as dubbel dié salaris verdien. Ook het, wat destyds beskou is as die 'verdomde Ingelse pers', heelwat meer betaal. Die Star was die swakste betalende van die Engelstalige Johannesburgse koerante, maar steeds beter as Die Tranvaler en DieVaderland.

Bruce leer Sipke sy eerste koerantles

SIPKE DE VRIES, eertydse verslaggewer en fotograaf van Die Transvaler, Die Vaderland en The Citizen, skryf: Soos ek al die nostalgiese verhale lees, geskryf deur helde en heldinne van weleer, lewer ek hiermee ook 'n bydrae. Dit gaan egter minder oor Die Transvaler/Die Vaderland-bedrywe waar ek nooit tuis gevoel het nie, maar liewer oor my oorlede vriend, Bruce Taylor.

Roepradio’s, kafees, landlyne en motorfietse – was daar maar selfone!

Voor die koms van die digitale tydperk het joernaliste feitlik in ‘n “primitiewe wêreld” gewerk wat betref kontak tussen hulle en die koerant se nuustafel as nuus en foto’s nog die voorblaaie wil haal.

Hier is 'n paar vertellings.

Sipke mik vir 50-tal in hoofstroomjoernalistiek

SIPKE DE VRIES skryf: ALLEREERS moet ek julle gelukwens met die blog wat julle uitstuur -- 'n baie professionele stukkie werk, hoor!

Sover dit jou (Piet Ebersöhn) uitnodiging betref om na die Engelstalige sy van oud Perskor-slawe te kyk, moet ek aanvanklik bietjie terugstaan. Ek is wel bly dat jy my Engels wou laat skryf of miskien sub omdat ek al die afgelope 37 jaar uitsluitlik Engels skryf, maar dit is op die oomblik vir my onmoontlik.

Die redes is dat ek nog voltyds vierkant in die joernalistiek staan – buitelandse redakteur van Sapa. (Ek hoop naamlik om my beoogde doelwit, 50 jaar in hoofstroomjoernalistiek, in Februarie volgende jaar te bereik.) Terloops, my kollega John Simpson van die BBC in London het dieselfde ambisie, maar hy is 8 jaar agter my.