se lesers trek weer ’n slag die heuningkwas nader. Laat ons vertrou oudkollegas trek ewe vlytig die rekenaars nader om aan te hou skryf.Eers skryf SIPKE DE VRIES: Die bydrae van Frans Esterhuyze, sy lewensloop asook die mooi illustrasies daarby, is een van die beste bydraes wat ek nog ooit oppie K'rant gesien en gelees het.KARIN PRETORIUS skryf vervolgens: Ek wil graag my stem by Hanlie Vornberg voeg en K’rant gelukwens met sy verfrissende en ongewone stories wat ons die afgelope tyd waargeneem het.
K’rant se bladsye ritsel behoorlik vol nuus en ons hoop die mandjie bly vol. Piet [Ebersöhn] moet egter nie dink hy gaan so maklik wegskram van sy eie verantwoordelikheid om tog iets uit Korfu te skryf nie, en waarmee hy hom deesdae daar besig hou.
Die laaste wat ons van dié Griekse eiland gehoor het, was toe hy en sy vrou Mariétte daar aangeland het en hy in September 2017 geskryf het hoe moeilik dit was om lugtyd te koop! Ons wag in spanning, Piet, en gesels met ons oor ʼn glasie ouzo! En sommer baie foto’s, asseblief, ek wil graag sien hoe lyk dit nou daar!Hierby is 'n foto uit my plakboek van my besoek jare gelede aan Korfu. Dit toon waar ek en my vriendin, Brenda, op Korfu van die veerboot van Italië af afklim -- 1969! Ons het die dagveerboot van Brindisi af verpas en toe darem betyds by Bari uitgekom om die tienuur-aandveerboot te haal.
