PIET ROOS skryf na aanleiding van Willie Buys se huldeblyk aan sy broer Tom: Aai Willie, ek en Marieta is getroud op 27 Julie 1974 en is toe ‘n maand lank Europa toe vir die wittebrood. Toe ons terugkom, was Tom in die Princess-verpleeginrigting, 'n private hospitaal in Hillbrow. Ons was by sy hospitaalbed en ons kon nie glo wat ons sien nie.Ons was lief vir Tom, hy was nie 'n baas nie, hy was 'n vriend of 'n broer. Ek het nooit swaarde gekruis met hom nie, want hy het jou altyd goed laat voel, jy wou graag iets vir hom doen.
Ek kan vandag baie bespiegel oor sy siekte en sekere voorstelle doen, maar dis verby. Soos my eie pa wat op 75 jaar dood is. Vandag besef ek die dokter was dom en het hom verkeerd behandel. Wat kan ek sê? (Piet is nou 'n apteker. -- Red.)
