WYLE ANDRÉ (ABJ) PIENAAR se neef JACO HENNING het vir K'rant 'n klompie foto's gestuur waarop sy oom verskyn.As sportskrywer het ABJ onder meer oor fietsry en boks berig. Hy het ook 'n jeugboek oor boks geskryf. Die eerste van die foto's is saam met sportmanne oor wie se doen en later hy gerapporteer het.
Johan (Essie) Esterhuizen en ABJ skuur skouers met die Amerikaanse bokser Big John Tate voordat Tate die Suid-Afrikaner Gerrie Coetzee op 20 Oktober 1979 oor 15 rondes op Loftus Versfeld om die WBA se swaargewigtitel geklop het.
Charlie Weir (regs) en sy destydse afrigter Willie Toweel toets André se maagspiere. Weir, bekend as die "Silwer Sluiper" was 'n SA middelgewigbokskampioen in die laat jare sewentig en het om die wêreld- junior middelgewigtitel geboks. Toweel, lid van 'n legendariese boksgesin, het in die jare vyftig opeeenvolgend die SA kapokgewig-, veergewig-, liggewig- en weltergewigtitels gehou. Hy was ook die Britse Rykskampioen in die liggewigafdeling en het as amateur die bronsmedalje op 1952 se Olimpiese Spele in Helsinki gewen
Die bokser Bushy Bester saam met André.
