Ons kon vasstel dat hy lank assistent- en verhaleredakteur van sowel Rooi Rose as die Brandwag was, asook redakteur van Fleur. Hy was die skepper/skrywer van die gewilde Spioen Olaf Bouwer-reeks wat in die Brandwag, Dagbreek en Landstem verskyn het, en ook in Perskor se Olaf Bouwer-boekklub.
Sy Olaf Bouwer-strokiesverhaal, geïllustreer deur Len Lindeque, het weekliks in Dagbreek en Landstem verskyn.
Aangesien ons maatskappy (Wentzel-Hattingh Publikasies) beoog om van Olaf Bouwer se treffers te herpubliseer, sal ons dit op prys stel indien u ons asselief kan help om met Stoffel Pienaar, of van sy erfgename, in verbinding te tree.
