HENNIE VAN DEVENTER, Melkbosstrand, skryf: Ek kom by K'rant uit via Gerhard Burger.
In September verskyn van my, by Naledi, ‘n boek met die titel “Koerantkamerade”. Dit behels 50 gemoedelike, informele “grafskrifte” vir ontslape tydgenote.
Synde ‘n lewenslange Nasperser het my seleksie ‘n Naspers-oriëntasie. Perskor-mense wat wel ‘n buiging maak, sluit in PG du Plessis, Koos du Plessis, Gerrit Velthuysen en fotograaf Willie van der Walt.
Ek is op soek na gemoedelike foto’s – veral lekker as dit ‘n koerant-atmosfeer het, byvoorbeeld saam met kollegas of in ‘n herkenbare koerantopset. Groot genoeg vir goeie reproduksie op papier. As K'rant-lesers my in enige opsig kan help, sal ek dankbaar wees. Erkenning sal gegee word waar verlang.
Kontak Hennie regstreeks by hvandeventer@mweb.co.za.
